Улаанбаатар БҮК ХК

Улаанбаатар БҮК ХК нь 1984 онд Байшин Үйлдвэрлэх Комбинат хэмээх улсын үйлдвэрийн газар хэлбэрээр байгуулагдаж, Улаанбаатар хотын орон сууцны барилгын 70 орчим хувь, Дархан, Эрдэнэт зэрэг төвийн бүсийн хот суурингуудын бүтээн байгуулалтыг бетон зуурмаг болон төмөр бетон хийцээр хангаж ирсэн. 1998 оноос Монгол Улсын хөрөнгийн биржид бүртгэлтэй нээлттэй хувьцаат компани болсон бөгөөд 2006 оноос үйлдвэрлэлийн үйл ажиллагааг шинэчлэн хөгжүүлсний дараа барилгын салбараас гадна зам тээвэр болон дэд бүтцийн бүтээн байгуулалтад өндөр технологи шаардсан бүтээгдэхүүнээр хангах боломж нэмэгдэв. Төмөр замын оролт, өндөр даацын гүүрэн кранууд, орчин үеийн технологийн тоног төхөөрөмж, хагас автомат чанарын хяналтын лаборатори зэрэг үйлдвэрлэлийн цогц бааз, мэргэжлийн ажилтнууд нь бүтээгдэхүүнийг стандартын түвшинд, сайн үнээр үйлдвэрлэж, хэрэглэгчдэд хурдан нийлүүлэхэд нөхцөл бүрдүүлсэн.