Жи Эн Бевережис ХХК

Жи Эн Бевережис ХХК нь 2008 онд PepsiCo International корпорацийн Монгол Улсад ус, ундаа импортлох, үйлдвэрлэх, худалдах албан ёсны эрхийг авснаар үндэсний ундааны үйлдвэрлэлийн хөгжилд шинэ чиг хандлагыг авч ирсн байгууллага. 2010 онд чанарын иж бүрэн үнэлгээг амжилттай давснаас хойш Монгол Улсад Пэпси ундаа үйлдвэрлэх албан ёсны эрхийг баталгаажуулсан.

Компанийн үйлдвэр нь Герман улсын KHS фирмийн бүрэн автомат тоног төхөөрөмжөөр тоноглогдсон бөгөөд PEPSI, MIRINDA, 7UP, LIPTON, STING, MOUNTAIN DEW, AQUAFINA зэрэг брэндийн 15 нэр төрлийн бүтээгдэхүүнийг үйлдвэрлэн хэрэглэгчдэд хүргэдэг. Үйлдвэрлэл, хяналтын бүх шатанд FSSC 22000, ISO, AIB, PepsiCo болон Монгол Улсын стандартуудыг мөрдөж, дэвшилтэт технологи, мэргэшсэн инженер, технологичдын ур чадварын үндсэн дээр ажилладаг.