Гоёо ХХК

Гоёо ХХК нь 1993 онд байгуулагдсан бөгөөд Монгол Улс зах зээлийн эдийн засагт шилжсэний дараа үйл ажиллагаагаа эхэлсэн ноос ноолуурын салбарын анхны хувийн хэвшлийн компаниудын нэг юм. «Goyo» болон «Cashmere KIDS» брэндийг дотоод болон гадаадын зах зээлд нийлүүлж байна.

Орчин үеийн үйлдвэр нь Итали, Англи, АНУ-ын сүүлийн үеийн тоног төхөөрөмжөөр бүрэн тоноглогдсон бөгөөд жилдээ 500 тонн түүхий ноос ноолуурт анхан шатны боловсруулалт хийх, 250 тонн самнасан ноос ноолуур, 160 тонн ноос ноолууран утас, 350 мянган ширхэг сүлжмэл бүтээгдэхүүн үйлдвэрлэх чадалтай юм. Итали, Герман, Орос, Австрали, Швейцарь зэрэг арав гаруй орны 200 дэлгүүрт бүтээгдэхүүн нийлүүлдэг бөгөөд Европ, Хойд Америк, Азийн 40 гаруй компанитай хамтран ажилладаг. Москва болон Алматад нэрийн дэлгүүр ажиллуулдаг юм.