Монгол -германы хамтарсан ашигт малтмал, технологийн сургууль

Монгол-Германы хамтарсан ашигт малтмал, технологийн их сургууль нь Монгол, Герман хоёр орны Засгийн газрын санаачилгаар 2013 онд үүсгэн байгуулагдсан. ХБНГУ-ын болон гадаад, дотоодын их дээд боловсролын байгууллагуудтай нягт хамтран ажиллаж, олон улсын стандартад нийцсэн сургалтын хөтөлбөрийг хэрэгжүүлж байна. Сургалтын хөтөлбөр нь онол дадлага хослуулсан, хэрэглээнд суурилсан, хувь хүнийг хөгжүүлэхэд чиглэгддэгээрээ онцлог бөгөөд, Монгол Улсын дээд боловсролын шинэчлэлийн загвар сургууль болохоор ажиллаж байна. Азийн бүс нутагт инженер технологийн тэргүүлэх байгууллага, сургалт, судалгаа, инновацийн өндөр стандартаараа хүлээн зөвшөөрөгдөхийг зорилго болгон ажиллаж байна.