Кредит банк

Кредит банк нь Монголбанкны Ерөнхийлөгчийн 1997 оны 12 дугаар сарын 19-ний өдрийн 503 тоот тушаалын дагуу банкны үйл ажиллагаа эрхлэх зөвшөөрөл авч, 1998 оны 4 дүгээр сарын 10-ны өдрөөс үйл ажиллагаа явуулж эхэлсэн. 2018 оны 9 дүгээр сарын 28-ны өдөр Монгол улсын иргэдийн өмчлөлд шилжин ирсэн.

Байгуулагдсан цагаасаа харилцагчдаа дээдэлж, тэдний хүсэл сонирхлыг үйл ажиллагандаа тусган ажиллаж иржээ. Санхүүгийн үндсэн бүтээгдэхүүн үйлчилгээг шинэ технологитой хослуулан мэргэжлийн өндөр түвшинд хүргэж, харилцагчдын урт хугацааны бизнесийн түнш болох зорилготой. Үйл ажиллагаагаа улс орны хөгжил дэвшлийг тодорхойлогч, экспортлогч, үндэсний үйлдвэрлэл эрхлэгч, төрийн өмчит болон хувийн хэвшлийн аж ахуйн нэгж, корпорациудад хандуулан явуулна.