Баянгол Зочид Буудал ХК

Баянгол Зочид Буудал ХК нь 1964 онд байгуулагдсаны дараа Монголын аялал жуулчлал, зочлох үйлчилгээ, зочид буудал салбарын хөгжилд том үүрэг гүйцэтгэж ирсэн. 1991 онд Засгийн Газрын өмч хувьчлалын Комиссын тогтоолоор хувийн хэвшлийн аж ахуйн хэлбэрт шилжиж, одоо 1045 хувь нийлүүлэгчтэй, жил бүр ноогдол ашиг хуваарилдаг компани болжээ. Компани нь хөрөнгийн биржийн ТОП-20 индекстэд багтдаг томоохон аж ахуй юм.

Баянгол Зочид Буудал нь 400 гаруй зочийг нэг дор хүлээн авах, таван ангиллын 212 өрөөтэй. Үүнд Баянгол ресторан, Монгол хоолны ресторан, Ази-Европ хоолны ресторан, дээд зэрэглэлийн вино ресторан, Wi-Fi систем, угаалгын үйлчилгээ, үсчин, гоо сайхан үйлчилгээ гэх мэт 20 гаруй төрлийн үйлчилгээ багтана. 2003 онд Улсын Мэргэжлийн Хяналтын Алба болон Аялал Жуучлалын Газрын үзлэгээр 4 одны зэрэглэл хүртсэн.