Үзмон

Үзмон нь газрын төлөв байдал, чанарын улсын хянан баталгаа хийдэг байгууллага юм. Газрын тухай хуулийн 58.1-д заасны дагуу газрын төлөв байдал, чанарын гол үзүүлэлтүүдийг хууль тогтоомжид заасан хугацаанд давтан тодорхойлж, улсын хяналтад авсан анхны үзүүлэлтүүдтэй харьцуулан дүгнэлт гаргах ажлыг гүйцэтгэдэг.

Төлөвлөгөөт хянан баталгаа нь бэлчээр, тариалан, атаршсан газар, хот суурин газрын төрлүүдээр улсын хэмжээнд 5 жил тутам явагддаг. Захиалгат хянан баталгаа нь иргэн, аж ахуйн нэгжийн эзэмшил газар, уул уурхайн ашиглалтын болон хайгуулын талбай, аялал жуулчлалын газар, үйлдвэр, үйлчилгээ, шатахуун түгээх станц зэргээр газрын төлөв байдал, чанарын хянан баталгааг гаргуулдаг.