Смарт олон улсын дунд сургууль

Смарт олон улсын дунд сургууль нь 2020 онд Зайсанд үүсгэн байгуулагдсан бөгөөд 2021 оноос дунд ангид, одоо бага ангиддаа элсэлт авч байна. Яармаг Арцадад шинэ салбар нээж өргөжүүлсэн сургууль нь үр дүнд суурилсан сургалтын арга зүйг баримталж, Монголд анх удаа дунд сургуульд мэргэжлийн суурь хөтөлбөрийг хэрэгжүүлсэн онцлог бүхий байгууллага юм.

Сургууль нь үндэсний болон олон улсын хөтөлбөрүүдийг хослуулан смарт орчинд суралцах, CDIO олон улсын стандарт чадварт сургах боломжийг олгож байна. Хятад хэл, мэдээллийн технологи, олон улсын харилцааны мэргэжил, англи хэл, математик, шинжлэх ухаан зэрэг чиглэлээр мэргэжлийн суурь хөтөлбөрүүдийг хэрэгжүүлэх бөгөөд сурагчид Хятад, Сингапур, Америк, Канад, Австрали, Шинэ-Зеланд, Малайз зэрэг орнуудын шилдэг сургуульд тэтгэлэгтэй суралцах боломжтой.