"Шинэ Үе" дунд сургууль

«Шинэ Үе» дунд сургууль нь 2003 онд байгуулагдсан бөгөөд 2023-2024 оны хичээлийн жилд 99 багш, 27 ажилтан, 1-12 дугаар ангийн 55 бүлгийн 1513 суралцагчидтайгаар үйл ажиллагаагаа явуулж байна. Математик, англи хэлний гүнзгийрүүлсэн сургалтын зэрэгцээ бусад хичээлүүдийг олон улсын стандарттай хослуулан өндөр түвшинд сургалт явуулдаг. 2008 онд дүүргийн тэргүүний, 2013 онд нийслэлийн тэргүүний, 2018 онд анхны хувийн өмчийн улсын тэргүүний сургууль болсон.

2018 онд IB олон улсын дипломын хөтөлбөрийг хэрэгжүүлэх эрхээ авч, үндэсний хэв шинжээ хадгалсан IB хөтөлбөртэй анхны монгол сургууль болон байна. Дунд ба бага ангидаа Кембрижийн IGCSE болон Lower Secondary хөтөлбөрүүдийг хэрэгжүүлж байгаа бөгөөд бага ангидаа үндэсний цөм хөтөлбөрийг сургуулийн хөтөлбөртэй хослуулан явуулдаг.