Монгол Фарм ХХК

Монгол Фарм ХХК нь 2008 онд үүсэн байгуулагдсан. Эм, эмнэлгийн хэрэгсэл, тоног төхөөрөмж, лабораторийн урвалж оношлуур, эрүүл мэндийн нэмэлт бүтээгдэхүүнийг Монгол Улсын зах зээлд 170 гаруй мэргэжлийн боловсон хүчинтэй нийлүүлж байна. Өөрийн ханган нийлүүлэх төв болон 14 салбар сүлжээ эмийн сангаар дамжуулан ISO стандартын шаардлага хангасан бүтээгдэхүүнийг худалдан борлуулах үйл ажиллагааг явуулж байна.

Европын холбооны гишүүн Кипр, Украйн, Хорват зэрэг улсын үйлдвэрүүд болон Индонези, ОХУ, БНСУ-ын үйлдвэрүүдтэй хамтран ажиллаж 100 гаруй нэр төрлийн эмийг дотоодын зах зээлд нийлүүлж байна. Лабораторийн тоног төхөөрөмж, эмнэлгийн хэрэгслийн импортын чиглэлээр АНУ, Европын холбооны гишүүн орнууд, БНСУ, Турк, БНХАУ, ОХУ-ын үйлдвэрүүдтэй хамтран ажиллаж, 25 орчим үйлдвэрийн шинжилгээний урвалж, анализаторын хэрэгслийг улсын болон хувийн эмнэлгүүдийн лабораторид нийлүүлж байна. Дэлхийн эрүүл мэндийн байгууллагийн GMP шаардлага, олон улсын ISO стандартын шаардлага хангасан үйлдвэрүүдтэй хамтран ажиллаж сүүлийн үеийн шинэ эм, эмийн бүтээгдэхүүн, шинжилгээний аргыг дотоодын зах зээлд нэвтрүүлэхээр ажиллаж байна.