Булигаар ХК

Булигаар ХК нь 1934 онд Монгол улсад байгуулагдсан анхны арьс ширний үйлдвэр юм. Өнгөрсөн 80 жилийн туршид технологийн дэвшил, улс орны хөгжлийг дагаж үйлдвэрлэлийн бүтэц, зохион байгуулалт, технологийн шинэчлэлтийг сайжруулан ирсэн. Бод, богийн арьсыг гүйцэт боловсруулан вэт-блю, краст, булигаар, гялгар хром, артай хар хром зэрэг гутал, цүнх, хувцасны зориулалттай боловсруулсан арьсыг үйлдвэрлэн дотоод болон гадаадын зах зээлд борлуулдаг.

Ажилтнуудын эрүүл мэнд, амрах өрөөний нөхцөл, нийгмийн дэмжлэгийг сайжруулахад анхаарч жил бүр урьдчилан сэргийлэх үзлэг, чанартай хоол үйлчлүүлэх, амаржсан болон нэхэмжлэлтэй ажилтанд цалины болон мөнгөн тэтгэмжийн үйлчилгээ, ойрын нь нас барсан үед цалины чөлөө болон тэтгэмж, төр болон компанийн шагналын дагалдах урамшил олгодог.