Электрокем Монгол ХХК

Электрокем Монгол ХХК нь 100 хувь дотоодын хөрөнгө оруулалттай аж ахуйн нэгж бөгөөд хар тугалган батарейг байгаль орчинд ээлтэй, хаягдалгүй технологи ашиглан дахин боловсруулах үйл ажиллагаа эрхлэх зорилгоор байгуулагдсан. Сүүлийн таван жилд Олон улсын Хар Тугалганы Холбоо болон Global Lead Technologies Pty компанийн зөвлөгөөний үндсэн дээр судалгаа явуулж, хар тугалган батарейг дахин боловсруулах үйлдвэрийг ашиглалтад оруулсан. ХБНГУ, Итали болон БНЭУ-д үйлдвэрлэгдсэн тоног төхөөрөмж ашигласан энэ үйлдвэр нь Олон улсын Хар Тугалганы Холбооноос тавьдаг Benchmark Assessment Tool шалгуурыг даван биелүүлсэн Дэлхийн Жишиг Үйлдвэр бөгөөд ISO 9001, ISO 14001, ISO 45001 стандартуудыг нэвтрүүлэхээр 40 орчим ажилтантайгаар үйл ажиллагаа явуулж байна.