Чиглэл ХХК

Чиглэл ХХК нь 1990 онд гэр ахуйн цахилгаан хэрэгсэл, нийтийн хоолны тоног төхөөрөмжийн засвар, угсралтаар үйл ажиллагаа эхэлсэн. 1996 онд ХХК болон өргөжин дэлгүүр, цайны газар, ресторан, баар, эмнэлэг, цэцэрлэг, сургуулийн гал зуухны тоног төхөөрөмжийн үйлчилгээ, худалдаа, нийлүүлэлтийн чиглэлээр үйл ажиллагаа явуулж эхэлсэн. 2005 оноос БНХАУ-аас үйлдвэрлэлийн машин техник импортлосон.

Чиглэл ХХК нь өөрийн үйлдвэрт цахилгаан зуух, гал зуух, бэлтгэлийн ширээ, тавцан, ааруул хатаагч, буузны жигнүүр болон 20 гаруй нэр төрлийн хоол үйлдвэрлэлийн тоног төхөөрөмж үйлдвэрлэж байна. Үйлдвэрлэсэн тоног төхөөрөмжүүд Евразийн Эдийн Засгийн Холбооны шалгуурын болзлыг ханган Тохирлын гэрчилгээ авсан. Компани ОХУ, БНХАУ-аас хүнс, хоол үйлдвэрлэлийн тоног төхөөрөмжийг импортлон 6 салбар дэлгүүрээр худалдан борлуулж, засвар үйлчилгээг хариуцан ажиллаж байна. 2019 онд ISO 9001:2015 стандартын JAS-ANZ батламжийн гэрчилгээ авлаа.