Арвин Хүдэр ХХК

Арвин Хүдэр ХХК нь 2011 оны 5-р сард байгуулагдсан төмрийн хүдэр боловсруулах аж ахуйн нэгж бөгөөд салбартаа туршлага хуримтлуулсан үндэсний шилдэг компаниудын нэг юм. Дорноговь аймгийн Даланжаргалан суманд байрлах хуурай баяжуулах үйлдвэр нь 20-30% агуулгатай түүхий хүдрийг 48-55% агуулгатай баяжмал болгон үйлдвэрлэдэг. Хэнтий аймгийн Бор-Өндөр суманд 2013 оны 5-р сард ашиглалтанд орсон нойтон баяжуулах үйлдвэр нь 20-48% агуулгатай баяжмалыг 65%-иас дээш агуулгатай төмрийн нойтон баяжмал болгон боловсруулдаг. Дээрх хоёр үйлдвэрийг өөрсдийн хөрөнгөөр барьж ашиглалтанд оруулсан компани нь улсын болон хувийн хэвшлийн үндэсний шилдэг компаниудтай хамтран хүдэр боловсруулан 65%-иас дээш агуулгатай төмрийн баяжмалыг экспортолдог үйл ажиллагаа явуулж байна.